Prèmiu natzionale de mùsica pro un’iscola de Terranoa
Sa III P de s'iscola mèdia E. Pais at bintu Il Tetracorso
Sa classe III P de s’indiritzu musicale de s’iscola mèdia E. Pais de Terranoa, plessu de bia Veronese, at bintu su cuncursu natzionale de esecutzione musicale Il tetracorso in sa categoria riservada, cun nessi 16 esecutores.
Sos istudiantes, preparados dae sos maistros Berruti a su saxòfono, Capra a sas percussiones, Petrosino a sa chiterra e Saba a su pianoforte, ant otènnidu su puntègiu de 99/100 cun un’esecutzione registrada in formadu audiovivisu de Grabbin’ some air, de Dean Sorenson e de Sweet home Chicago e Everybody needs somebody to love, cun sos arrangiamentos de Saba e Petrosino.
Sos giurados, ses professores de cunservatòriu e professionistas, ant premiadu s’iscola terranoesa in unu cuncursu chi at bidu sa partetzipatzione de 14 regiones de Itàlia.
