Pàliu de Siena, binchet torra Tittia
Vitòria de sa Selva cun su cadderi Giovanni Atzeni
In su Pàliu de su 2 de trìulas 2023 sa contrada de sa Selva at bintu pro sa de 40 bortas in s’istòria. Su caddu fiat Violenta de Clodia e su cadderi Giovanni Atzeni, in arte Tittia.
De ratza de Nurri, ma nàschidu in Germània dae mama tedesca, Atzeni at otènnidu sa de deghe vitòrias in carriera. Est istada sa de chimbe a fila a pare; est custu unu record pro sa curta senesa, nessi dae cando si registrant sos nùmenes de caddos e cadderis.
A pustis de una mossa complicada, durada unos 40 minutos, cun sa Chioccola de rincorsa chi non cheriat favorire s’inimiga Tartuca, sa Selva est passada dae su cumintzu in prima positzione e no dd’at lassada prus, mancari sa Torre apat chircadu finas a s’ùrtimu de dda sighire.
Sunt rutos sos cadderis de Giraffa, Chiocciola e Onda.
