In Geridu auddi tre abitazioni medievari

Un’althra ischubertha impurthanti i’ lu situ di la bidda medievari di Geridu, i’ li campagni di Sossu. La fase noba di scavi di lu mesi di lampada à arriggaddu cussì nobiddai pa’ l’anarisi di un loggu di lu Mediobu rurari sardhu. L’intervertu anda parò insiriddu in un trabagliu ippiziari pa’ punì una recinzioni a lu situ archeologiggu e un impiantu di videosorveglianza.

Lu 2 di triura li primmi risulthaddi di lu ischavu so isthaddi illusthraddi a li giornalisthi propiu a Geridu. Lu direttori di lu schavu è Marco Milanese, prufissori ordinariu di Archeologia di l’Unibessiddai di Sassari: ««Abemmu acciappaddu tre casi medievari una sobra all’althra i’ lu mattessi loggu. Chisthu parthicurari vo dì chi a lu mancu pa’ trizentu anni (da lu mille al 1350) li casi di la bidda so isthaddi costhruiddi». Erani prisenti pa’ incontrà li giornalisthi lu sindaggiu di Sossu Fabriziu Demelas, l’asessori Federico Basciu (assessore alla Cultura –  Città di Sorso), Justin Leid Wenger Università Stanford, professore di archeologia, che collabora con Marco Milanese umpari a tre dottorandi.

Lu scavu in corso era cuncetraddu drentu a un perimetru di una casa incendiadda i’ lu 1350 e ani peimmessu di acciappà fasi abitatibi precedenti, con li muri di lu Duizentu. «Li archeologi, l’Unibessiddai, la Soprintendenza e li Comuni trabagliani cu’ dedizioni manna. Finz’a pogghi anni fa era l’Isthaddu a garantì li finanziamenti. Oggi puru l’oneri so in cabbu a li comuni»

Cu’ chisthu ischavu si indaga puru la profondità di lu tempu sobra a li rapporti tra lu situ di la bidda e li tracci di età romana, ciamadda la “bidda de Geriti”. Un althru puntu è la gesgia di Sant’Andrìa, la parrocchia. Gesgia manna gotica medievale, era un edificiu proporzionaddu a l’innummaru di abitanti (1500) i’ lu 1320. Fu demoridda i’ lu 1800 e dabboi impriaddi i’ la parrocchiari di Santu Pantaleu a Sorso.

(luca foddai)

(Attività realizzata col contributo della Regione Sardegna – IMPRENTAS 2025-2026. LR 22/2018)