Santu Bainzu, cultura e arthi in Porthu Torra
Libri e musigga tra l'eventi collaterali di la Festha Manna
A più di l’eventi prinzipari, cultura e musigga abarani a alligrà a Porthu Torra li dí di la festha manna.
Finza a lu 31 di maggiu i’ lu Studio d’arte in carrera Josto 38 è in programma la mosthra di pintura di Michele Rum Ruggine e salsedine.
Da lu 26 di maggiu a lu 4 di lampada i’ la sala cunferenzi di lu Museo del Porto è in programma la mosthra fotografigga Turris, a cura di Marcello Dongu; lu 26 i’ lu matessi loggu v’è la sigunda edizioni di lu Festival littarariu di li Scrittori Turritani.
Da lu 27 a lu 29 di maggiu in sas cumbessias v’è la mosthra di giogghi sonori e isthrumenti musicari di la tradizioni sardha, a cura di Fabrizio Masia. Epposizioni di dipinti sobra tera e a lapis di Alessandro Griecco.
Lu 27 i’ la basirica di Santu Bainzu a li 20 Concerto per la Festha Manna, orghanizaddu da lu Coro Polifonico Turritano; lu 3 di lampada, sempri i’ la gesgia, cunzerthu pa’ pianoforthi di Stefano Mancuso.
(gm)
