Visioni Sarde, tzìnema in sa Iara
In santandria rassegna tzinematogràfica in sa bidda de Sini
Sàbadu 19 de santandria sa bidda de Sini, in sa Iara, at a èssere teatru de sa rassegna tzinematogàfica Visioni Sarde. S’apuntamentu est a sas 6 de sero in su salone parrochiale.
Sunt in programma 8 curtzumetràgios: Margherita, de Alice Murgia; Il volo di Aquilino, de Davide Melis; Il Pasquino, de Alessandra Atzori e Milena Tripaldo; Marina, Marina!, de Sergio Scavio; Di notte c’erano de stelle, de Naked Panda; L’ultima habanera, de Carlo Costantino Licheri; Un piano perfetto, de Roberto Achenza; L’uomo del mercato, de Paola Cireddu, chi at a èssere presente in sala pro chistionare cun su pùblicu.
Visioni Sarde est nàschidu in su 2014 a intro de Visioni Italiane, manifestatzione organizada dae sa Cineteca di Bologna e tenet su cuntributu de sa Regione e de sa Fondazione Sardegna Film Commission. Sa distributzione est a incuru de Visioni di Ichnussa, de Bologna e de su tzìrculu Antonio Gramsci de Torinu.
