Cast in bronze in su Babel Film Festival
Sa pellìcula ambientada in sa Sardigna nuràgica partèzipat a sa rassegna de Casteddu
Cast in bronze est istadu seletzionadu pro partetzipare a sa de oto editziones de su Babel Film Festival, sa rassegna dedicada a sas limbas de minoria, in sa setzione Premio Maestrale cortometraggi fiction.
Sa projetzione de sa pellìcula, produida dae sa NOR, at a èssere mèrcuris 4 de santugaine, a sas 20,30, in su Greenwich d’essai Cinema in bia Sassari 67, Casteddu.
