Tzìnema sardu in Finlàndia

Oe 16 de martzu est in programma in Turku, Finlàndia, Visioni Sarde. Su progetu est finantziadu dae sa Fondazione Sardegna Film Commission e ammaniadu dae sa Cineteca di Bologna in collaboratzione cun su tzìrculu Gramsci de Torinu e cun su sòtziu Visioni da Ichnussa de Bologna.

S’apuntamentu finlandesu est organizadu dae su comitadu tzitadinu de sa Società Dante Alighieri, presèdidu dae Jenni Lehtonen.

Dae sas 17:30 ant a èssere projetados custos curtzumetràgios:

12 aprile, de Antonello Deidda; Fradi miu de Simone Contu; Mammarranca, de Francesco Piras; Santamaria, de Andrea Deidda; Senza te, de Sergio Falchi; La Venere di Milis, de Giorgia Puliga; Una splendida felicità, de Simeone Latini.

Duas de sas pellìculas sunt in sardu, sas àteras in italianu.