Il Divino Cammino, Dante in Sardigna
In sa tumba de gigante de Is Còncias tapa musicoteatrale de sa rassegna Tyrrhnenica
Domìniga 18 de làmpadas in sa tumba de gigantes de Is Còncias, in Cuartùciu, est in programma Il Divino Cammino. Est una letura de sa Divina Cummèdia a metade intre teatru e mùsica, proposta dae su musitzista Mauro Palmas e dae su regista vènetu Alessandro Arlendoni.
S’apuntamentu est a sas sete de sero ma in antis, a sas ses, ddo’at a àere una vìsita ghiada cun s’archeòloga Patrizia Zuncheddu.
Il Divino Cammino faghet parte de sa rassegna itinerante Tyrrhenica, de su sòtziu ElenaleddaVox, a intro de sa de sèighi editziones de Mare e Miniere.
