Est mortu Gigi Riva
Sardigna in lutu pro su giogadore e pro s'òmine
Lòmpidu a Sardigna in su 1963, Luigi Riva non si nche fiat prus andadu.
Nàschidu in Leggiuno, in Lombardia, su 7 de santandria de su 1944, dd’est istadu fatale un’atacu de coro; inùtiles sas curas in s’ispidales.
S’atacante est istadu protagonista in antis de sa promotzione istòrica in sèrie A de su Casteddu e a coa de sa vitòria epocale de su campionadu de fùbalu in su 1970.
Cun sos bator moros in petorras at giogadu 315 partidas marchende 164 gol. Est istadu cabucannonieri tres bortas: in su 1966/67, in su 1968/69 e in su 1969/70.
Cun sa natzionale italiana, chi sighit a èssere su cannonieri assolutu cun 35 gol in 42 partidas, at bintu s’Europeu de su 1968 e est arribadu segundu in su mundiale de su 1970.
Fiat arribadu a s’ìsula de mala gana ma a pustis, narende nono a ofertas econòmicas ispantosas, si fiat ligadu a sa Sardigna, faghende·si sardu.
(gm)
Un commento