Carrasegare fiolinesu
Festas e màscaras in sas iscolas e in carrera
Fiolinas afestat su carrasegare cun una sèrie de initziativas dedicadas a sos pipios ma finas a sos mannos. S’8 de freàrgiu, giòbia de lardajolu, si cumintzat cun unu ballu in màscara in s’Iscola elementare.
Sàbadu 10 imbetzes ant a isfilare sos carros allegòricos, incruidos sos de sa Pro Loco, de sa Consulta Giovanile e de su sòtziu Ena e Littu. A sa fine tzìpulas in Pratza del Popolo e ballu in màscara in s’àula magna de s’Iscola elementare.
Su matessi programma de su 10 est previstu pro su martis de coa, sa die 13.
Su Carrasegare fiolinesu est organizadu dae sa Pro Loco cun s’agiudu de s’amministratzione comunale.
(gm)
