Jessica Meloni triunfat in su MTE29
Sa tataresa at bintu in su torneu de Muay Thai, divisione 54 Kg
Su 25 de freàrgiu in su Tarantini Fight Center de bia Venezia, in Tàtari, s’est disputada sa de bintinoe editziones de su Muay Thai Explosion. In su cumbatimentu printzipale, in sa divisione de sos 54 chilos, sa tataresa Jessica Meloni, de su Team Tarantini, campione in càrriga WMC (World Muay Thai Council) e Federkombat, at bintu a Noemi Romano, sitziliana, de su Wolf Fighter Boxing.
In sos àteros cumbatimentos Martina Marras, de su Hua Ciai Muay Thìai de Sìnnia, at bintu a Alice Casula,Team Tarantini, Giada Tolo de su Chank Peuk Gym de Su Planu at bintu a Elisabetta Scanu, Team Tarantini, Sara Mirto de su Golden Rule de Santa Gilla at bintu a Chiara Bulla, Chank Peuk Gym.
Intre sos òmines Andrea Zeddita de su Golden Rule at bintu a Denis Dodaro, de sa Accademia Moros, Samuele Olla, Hua Ciai Muay Thai, at bintu a Egidio Marongiu, Accademia Moros e Michele Pili, Chank Peuk Gym, at bintu a Nicolò Stangoni, Team Tarantini. Parègiu intre Andrea Isola, Hua Ciai Muay Thai, e Simone Manca, Golden Rule.
