Paru di Siena, sempri Tittia

Che a l’edizioni di triura, chistha d’aosthu puru di lu Paru di Siena l’ani rinviadda, e di dui dí puru, pa’ l’eba. Dabboi di piú d’un ora di mossa, cun tre parthenzi annulladdi e li cabaddi chi intrabani e isciani da li cannai, a tempu a tempu primma di la caradda si lu sori a la fini la gara è parthidda. À vintu torra Giovanni Atzeni, a immusgiu Tittia, cu’ lu cabaddu Anda e Bola, pa’ la cuntradda di lu Nicchio, chi era la nonna, è a dí la chi no vinzia da più tempu.

Cun chistha so tredizi li vittori di lu cabaglieri sardhu, arribiddu a una soru da li quattordhizi di Aceto, record di lu securu passaddu. Lu record assorutu è quindizi.

Lu Nicchio à fattu tuttu cantu lu Paru in primma posizioni. L’ulthima vitoria soia era la di aosthu di lu 1998.

Pa’ Tittia è lu di quattru cappotti, è a dí vittori i’ lu matessi annu. Lu Paru dedicaddu a Nosthra Signora di Mezaosthu l’à pintaddu l’artistha rumena Teodora Axente.

Chisthi erani li cuntraddi cun cabaddi e cabaglieri, in ordhini di parthenzia:

Lupa: Diodoro; Velluto (Dino Pes) di Silanus

Chiocciola: Arestetulesu; Scompiglio (Jonathan Bartoletti)

Giraffa: Euskaldi; Turbine (Elias Mannucci)

Selva: Canarinu; Grandine (Sebastiano Murtas) di Santu Lussurgiu

Torre: Donrodrigo; Gingillo (Giuseppe Zedde)

Istrice: Ares Elce; Tamurè (Federico Guglielmi)

Oca: Diamante Sauro; Spago (Michel Putzu) di Sorgono

Nicchio: Anda e Bola; Tittia (Giovanni Atzeni) di Nurri

Onda: Viso d’angelo; Virgola (Andrea Sanna) di Oliena

rincorsa Aquila: Benitos; Brigante (Carlo Sanna) di Sindia

(gianni muroni)