Leocorno cun Atzeni pro su Pàliu de Mesaustu
Tittia lompet a noe vitòrias cun su caddu Violenta da Clodia
Siena. Sa contrada de su Leocorno at bintu su Pàliu de Mesaustu, curtu su 17 imbetzes de su 16 pro unu temporale chi s’est iscadenadu in sa tzitade toscana.
S’acopiada fiat Violenta da Clodia, caddu angloàrabu e Giovanni Atzeni, in arte Tittia.
Su cadderi de Nurri est lòmpidu giai a noe vitòrias. Custa est sa de bator a fila a pare. Atzeni at dominadu sa curta dae su primu a s’ùrtimu giru, non lassende mai sa prima positzione.
Su Pàliu de custa editzione, dedicadu cunforma a sa traditzione a Nostra Segnora de Mesaustu, est una creatzione de s’artista Andrea Anastasio.
(redatzione)
