Fallu Fabiddà, sarra l’editzioni 2025/26

L’Assutziazioni culturari ischora di Sassaresu dazi comunicazioni chi lu 4 di matzu a li 17,15 sarra l’editzioni di Fallu Fabiddà 2025/26, corsu gratuitu di linga sassaresa tentu da lu masthru Fabritziu Dettori inné l’ischora di Santu Giuseppi pisaddu pa tutti li tzittadini cun pritzidentzia a li mammi, a li babbi e li masthri di la matessi ischora di Santu Giuseppi. In occasioni di l’accabbadda di lu corsu, abarà a assé prisintaddu “Fallu Fabiddà!” una pubriggazioni autuprodotta cun una seria di arthicuri di intaressu generari, conti e althru, ischritti da li corsisthi in linga sassaresa.

Olthri a chistha initziatiba di lu 4 di matzu, cumbiddemmu a tutti dumenigga 15 matzu da li 16 a la festha di fini corsu, inné l’oratoriu di Santu Giuseppi in Carrera di (via) Alghero 78, indì abarani assé cunsignaddi l’attisthaddi di parthetzipazioni e abarà a assé aberthu puru lu tesseramentu a l’assutziazioni.