Dae su 4 a su 7 de austu Biddexidru est in festa pro Santu Sisinni. Chenàbura 4 a sas ses de sero ddo’est sa missa in sa crèsia de Santa Bàrbara e, finida sa funtzione, cumintzat sa prufessone, cun acumpangiamentu de cadderis e grupos folk, finas a sa cresiedda de su santu, chi at a retzire sa relìchia de su màrtire.
A sas 21,30, pròpiu in Santu Sisinni, at a cantare Claudia Aru e a coa ddo’at a àere galu mùsica cun su dj Luca T.
