L’Isthaddu frantzesu e la Còssigga

Sassaresu

Lu 23 di abriri la prefettura à fattu ricorsu pa ischantzillà lu finantziamentu chi la “Cullittività di a Corsica” (paragonabiri a la Regioni nosthra) dazi a la “Scola Corsa”, una assutziazioni chi fazi ischora immersiba in cossu (in tuttu, 11 masthri e 200 pitzinni).

Da candu la Frantza à occupaddu la Còssigga à tzirchaddu in tutti li maneri di appundarà lu poburu bugghendiri la linga, l’anima di la Nazioni Cossa. In chisthi tempi moderni la Frantza s’isciucca ancora la bocca fabiddendi di democratzia fendi mannu lu vessillu di chissu dicciu di “Liberté Égalité fraternité”, ma a lu matessi tempu è cuntinuendi a ischiccià, cun tuttu lu pesu soiu di putentzia mundiari, lu dirittu di lu Poburu Cossu a l’esercitziu d’imprià la linga soia sigundu la vuruntai di li cossi. La prefettura di Bastia, infatti, in un isciovinismu ischupassaddu da li tempi, lu 23 di abriri passaddu à fattu ricorsu pa ischantzillà lu finantziamentu chi la “Cullittività di a Corsica” (paragonabiri a la Regioni nosthra) dazi a la Scola Corsa, una assutziazioni chi fazi ischora immersiba in cossu. Di fattu, si voni licentzià ondizi docenti e impidì chi arumancu 200 pitzinni impariani la linga d’eddi. Una pusizioni puritigga chi sighi chissa di lu tribunari amministhratibu di Bastia, dabboi chi l’ex prefettu Pascal Lelarge à prisintaddu un ricorsu i’ lu 2023 contru a l’impreu uffitziari di lu cossu, chi vo pruibì a la “Cullittività di a Corsica” la linga soia, si puru lu reguramentu internu di l’Assimbrea pribidi lu biringuismu.

L’assutziazioni “Ischora di Sassaresu”, ritinendi chi la puritigga di la Frantza, di ciaru marchu curuniari, sia chissa di annientà l’identiddai culurari e sensu d’apparthenentzia di li cossi, ipreca tuttu l’amparu pussibiri a lu Poburu Cossu chi in chisthi dì è prutisthendi addanantzi a li prefetturi. In modu parthicurari l’Ischora di Sassarsu è affaccu a chissi pitzinni chi in chisthi dì so passendi la nigazionì di lu dirittu fundamentari d’imparà in modu didattiggu la linga d’eddi a ischora. L’Isthaddu frantzesu è isthirrendi la puritigga soia a lu cuntrariu di cumenti dubaristhia assé pa un Paesi tzibiri.

Itarianu

Il 23 aprile il prefetto di Bastia ha fatto ricorso contro i finanziamenti pubblici a “Scola Corsa”, una associazione che si occupa di organizzare scuola immersiva in lingua corsa per oltre 200 bambini e bambine.

Da quando la Francia ha occupato la Corsica il suo intento è stato quello di prevaricare in tutti i modi il popolo strappandogli la lingua, ovvero l’anima della Nazione Corsa.

In questi tempi moderni la Francia si sciacqua ancora la bocca parlando di democrazia sventolando il vessillo del motto: “Liberté Égalité fraternité”, ma allo stesso tempo continua a schiacciare, con tutto il suo peso di potenza mondiale, il diritto del popolo corso all’esercizio e all’uso della propria lingua secondo la volontà dei corsi.

La Francia, in uno sciovinismo superato dai tempi, è risoluta ad impedire che la Scola Corsa esista, contestando l’aiuto finanziario che la “Cullittività di a Corsica” (paragonabile alla nostra Regione) le elargisce per insegnare il corso in modo immersivo. Di fatto, vogliono licenziare undici docenti e impedire che almeno 200 bambini e ragazzi imparino la loro lingua. Inoltre, con il provvedimento del Tribunale amministrativo di Bastia, dopo che l’ex prefetto Pascal Lelarge ha presentato un ricorso nel 2023 contro all’utilizzo ufficiale del corso, lo Stato francese intenderebbe impedire l’utilizzo della lingua corsa alla “Cullittività di a Corsica”, obbligando i deputati a esprimersi, sia nel parlato sia nello scritto, esclusivamente in francese, anche se il regolamento interno dell’Assemblea prevede il bilinguismo.

L’associazione “Ischora di Sassaresu”, ritenendo che la politica della Francia, di chiaro marchio coloniale, sia quella di annientare l’identità culturale e il senso d’appartenenza dei corsi, esprime ampia solidarietà al Popolo Corso che in questi giorni sta protestando davanti alle prefetture e nei licei. In modo particolare l’Ischora di Sassaresu è vicina a quei bambini che in questo momento subiscono la negazione del diritto fondamentale d’imparare la loro lingua didatticamente a scuola.

Lo Stato francese sta attuando una politica contraria a come dovrebbe essere per un Paese civile.