Die de sa Sardigna in Bologna e La Spezia

Sos sardos emigrados afestant Sa die de sa Sardigna. Su Circolo Sardegna de Bologna, paris cun sa Casa di Quartiere Saffi e su cuntributu de R.A.S. e Fasi – Federazione delle Associazioni Sarde in Italia, organizat sa rassegna culturale Sa Die de sa Sardigna oggi: volti, memorie, paesaggi, cun sa partetzipatzione de artistas sardos residentes in sa tzitade emiliana.

Si cumintzat a sas chimbe de sero. Custu su programma: a sas 17,00 Argento Vivo, documentàriu de Stefania Porcheddu dedicadu a s’Asinara; a sas 18,00 Sardegna: la difesa di un paradiso, documentàriu de Carlo Gaspa; a sas 19,30 mesa tunda La resistenza di ieri, le narrazioni di oggi: prospettive storiche e artistiche, cun Franco Arba, Maria Luisa Mura, Paolo D’Ascanio e Andrea Fois, Simone Azzu, Stefania Porcheddu, Carlo Gaspa e Martino Corrias; a sas 20:30 Anninnia, mustra fotogràfica de Claudia Virdis; a sas 21,30 Totu in d’una, una reading jam cun Alberto Masala, Simone Azzu, Fulvio Accogli, Martino Corrias, Hey! Himalaya; a sas 22,15 mùsica cun Simone La Licata, Francesco Guarino, Claudio Dettori, Hey! Himalaya, Martino Corrias.

In La Spezia su tzìrculu Grazia Deledda imbetzes afestat, dae sas chimbe e mesu de sero, cun sa mustra de satira Sos Sardos, de sos Caterpillar, un’espositzione de cuadros de Anna Debora Voso, sa boghe de Maria Luisa Congiu, su documentàriu Sa die de sa Sardigna de Marco Parodi e su vìdeu La rivoluzione sarda. Procurade ‘e moderare, de su sòtziu de sos sardos Antonio Gramsci de Torinu.