Pàliu de Siena de Mesaustu, binchet su silanesu Pes
Su cadderi sardu, cun su caddu Benitos, at conchistadu sa vitòria pro sa Lupa
A pustis de su rinviu de eris pro su tempus malu oe in Siena ant curtu su palio de Nostra Segnora de Mesaustu. At bintu sa contrada de sa Lupa, cun su caddu Benitos e su cadderi Dino Pes, alias Velluto, silanesu. Fiat su prus mannu de edade, cun 44 annos.
A pustis de una mossa, chi pariat bàlida, annullada, e tres cuartos de ora de isetu, sa Lupa est partida in prima positzione e dd’at mantènnida pro totu sos tres giros de sa pratza, finas a sa vitòria. Est su primu pàliu bintu siat pro Pes, siat pro su caddu, chi fiat esordiente.
S’ùrtima vitòria de sa contrada fiat de su 2018. Custa est sa de trintoto.
Custos sos caddos e sos cadderis chi ant curtu:
Selva: Tabacco, cun Andrea Sanna, mutidu Virgola, olianesu
Lupa: Benitos, cun Dino Pes mutidu Velluto, de Silanos
Valdimontone: Veranu, cun Jonatan Bartoletti mutidu Scompiglio
Onda: Canarinu, cun Sebastiano Murtas mutidu Grandine, de Santu Lussurzu
Nicchio: Brivido Sardo, cun Federico Guglielmi mutidu Tamurè
Leocorno: Zentiles, cun Elias Mannucci mutidu Turbine
Civetta: Zenis, cun Enrico Bruschelli mutidu Bellocchio
Chiocciola: Comancio, cun Giuseppe Zedde mutidu Gingillo, senesu de ratza sarda
Oca: Ares Elce, cun Carlo Sanna mutidu Brigante, sindiesu
Istrice: Viso d’Angelo, cun Giovanni Atzeni mutidu Tittia, de Nurri
(gm)
