Visioni Sarde in Valentza in abrile
Sa tzitade ispagnola at acollire sa rassegna de curtzumetràgios sardos
Sa rassegna itinerante de tzìnema Visioni Sarde lompet a Ispagna, a Valentza, pro more de su tzìrculu locale de sos sardos Shardana. Sa prima die de abrile in su Café Bar Amics Meus, dae sas 4 e mesu de sero ant a projetare custas pellìculas: 12 aprile de Antonello Deidda, Fradi Miu de Simone Contu, Un piano perfetto de Roberto Achenza, L’Uomo del mercato” de Paola Cireddu.
Su 15, in su matessi logu e a sa matessi ora sunt in programma: Mammarranca de Francesco Piras, Santamaria de Andrea Deidda, Senza di te, de Sergio Falchi, Margherita de Alice Murgia, Il volo di Aquilino de Davide Melis , Il Pasquino de Alessandra Atzori e Milena Tipaldo.
In fines su 21 de abrile, semper in su sòlitu Café Bar e a su pròpiu oràriu: Una splendida felicità de Simeone Latini, La Venere di Milis de Giorgia Puliga, L’Ultima Habanera de Carlo Costantino Licheri, Di notte c’erano le stelle de Naked Panda, Marina, Marina! de Sergio Scavio.
Su presidente de su tzìrculu Shardana est Pierluigi Mulas, de Jersu, istòricu de s’arte e ghia turìstica. Visioni Sarde est co-organizada dae sa Cineteca di Bologna e dae sa Fondazione Sardegna Film Commission. Sa distributzione est a incuru de su tzìrculu A. Gramsci de Torinu e dae su sòtziu de Bologna Visioni da Ichnussa.
